काठमाडौँ /२ फागुन – शिक्षक सेवा आयोगले निम्न माध्यमिक तह, तृतीय श्रेणी, शिक्षक पदको प्रतियोगितात्मक परीक्षाका लागि आवेदन माग गरेको छ । सामुदायिक विद्यालयको निम्न माध्यमिक तह, तृतीय श्रेणी, शिक्षक पदमा खुला तथा समावेशी प्रतियोगितात्मक परीक्षाबाट स्थायी पदपूर्ति गर्नुपर्ने भएकोले आवेदन माग गरेको हो ।
न्यूनतम योग्यता पुगेका इच्छुक उम्मेदवारहरूबाट फागुन २ गतेदेखि अनलाइन दरखास्त प्रणालीबाट दरखास्त पेस गर्नुपर्ने सूचना उल्लेख छ । उम्मेदवारहरूले आयोगको दरखास्त अनलाइन पोर्टल https://online.tsc.gov.np मार्फत सम्पूर्ण विवरणहरू भरी दरखास्त दिनुपर्नेछ । विज्ञापनको विस्तृत विवरण आयोगको वेबसाइट https://www.tsc.gov.np डाउनलोड/सूचना /विज्ञापन ट्याबबाट प्राप्त गर्न सकिनेछ ।
