काठमाडौँ /१९ असोज – शिक्षा,विज्ञान तथा प्रविधि मन्त्री महावीर पुनले बागमती नदी छेउछाउमा बसोवास गर्ने बासिन्दालाई स्कुल कलेजमा राख्नका लागि ठाउँ उपलब्ध गराउन अनुरोध गरेका छन् ।
अविरल वर्षाका कारण नदी क्षेत्रका बासिन्दालाई विस्थापन गर्ने ठुलो सम्भावना रहेको भन्दै उनीहरुलाई बाढी नघटुन्जेल ठाउँ उपलब्ध गराउन स्कुल कलेजलाई मन्त्री पुनले अनुरोध गरेका हुन् ।
यसैगरी यसका लागि गृह मन्त्रीको अनुरोधमा शिक्षा विज्ञान तथा प्रविधि मन्त्रालयका सचिव र शाखा प्रमुखहरूलाई निर्देशन दिएको जनाएका छन् ।
‘बागमती नदी वरिपरिका स्कुल कलेजहरूलाई अनुरोध– बागमती नदी छेउछाउमा बसोवास गर्ने बासिन्दाहरूलाई बाढीले विस्थापन गर्ने ठूलो सम्भावना रहेकोले उनीहरूलाई बाढी नघटुञ्जेल सम्म बस्न अस्थायी व्यवस्था गर्नु पर्ने भएकोले सो क्षेत्रका विद्यालय र कलेजहरूले ठाउँ उपलब्ध गराई दिन बिनम्र अनुरोध छ,’ उनले भने, ‘यसको लागी गृह मन्त्रीज्यूको अनुरोधमा शिक्षा विज्ञान तथा प्रविधि मन्त्रालयका सचिव र शाखा प्रमुखहरूलाई मैले निर्देशन दिएको छु ’ उनले भनेका छन् ।
