काठमाडौं/१४ असोज – प्राविधिक शिक्षा तथा व्यावसायिक तालीम परिषद् (सिटिइभिटी) परीक्षा नियन्त्रण कार्यालयले स्थगित परीक्षा असोज १६ गते गर्ने भएको छ । डिप्लोमा प्रमाणपत्र तहको परीक्षा असोज १३ हुनुपर्नेमा अविरल वर्षका कारण स्थगित गरिएको र सो परीक्षा १६ गते हुने जनाएको हो ।
परीक्षा पूर्ववतः तोकिएकै परीक्षा केन्द्र र समयमा सञ्चालन हुने र १४ गते र १५ गतेका परीक्षाहरू तालिकामा तोकिएअनुसार नै सञ्चालन हुने जनाएको छ ।
