काठमाडौँ/१३ असोज – पूर्वाञ्चल विश्वविद्यालयले असोज १३ र १४ गते हुने सबै परीक्षा स्थगीत गरेको छ । अविरल वर्षका कारण जटिल परिस्थति उत्पन्न भएकोले परीक्षा स्थगित गरेको हो ।
विश्वविद्यालयले व्यवस्थापन, विज्ञान तथा प्रविधि, इन्जिनियरिङ, चिकित्सा शास्त्र, कला, शिक्षा शास्त्र संकायका विभिन्न शैक्षिक कार्यक्रमहरूको सेमेस्टर तथा वार्षिक प्रणाली अन्तर्गत नियमित, आंशिक र मौका परीक्षाहरू सञ्चालन भइरहेकोमा असोज १३ र १४ को परीक्षा भने स्थगित गरेको छ ।
‘देशभर अविरल वर्षाका कारण जटिल परिस्थिति उत्पन्न भएकाले मिति २०८१/०६/१३ र १४ गते सञ्चालन हुने सम्पूर्ण परीक्षाहरू अर्को सूचना प्रकाशित नभइन्जेल सम्मका लागि स्थगित गरिएको ब्यहोरा सम्बन्धित सबैको जानकारीका लागि यो सूचना प्रकाशित गरिएको छ,’सूचना उल्लेख छ ।
