काठमाडौं/१२ चैत-नेपाल संस्कृत विश्वविद्यालयद्धारा प्रदान गरिने विभिन्न पदकहरु तथा पदक प्राप्त गर्ने व्यक्तिहरुको विवरण प्रकाशन गरेको छ । आगामी बैशाखमा हुन लागेको ५ औं दीक्षान्त समारोहमा प्रदान गरिने विभिन्न पदहरु तथा पदक प्राप्त गर्ने व्यक्तिहरुको विवरण प्रकाशन गरेको हो ।
विभिन्न पदहरु तथा पदक प्राप्त गर्ने व्यक्तिहरुको विवरण विश्वविद्यालयको अभिलेखअनुसार प्रकाशन गरिएको जानकारी दिँदै विवरण माथी कुनै दाबी वा आपत्ति भए सूचना प्रकाशन भएको मितिले ७ दिनभित्र शिक्षाध्यक्षको कार्यालयमा प्रमाणसहित आवेदन दिन सकिने जनाएको छ ।
साथै ५ औं दीक्षान्तसम्बन्धी पुर्वसूचना अनुसार प्रक्रिया पुगेका तर विशेष कारणले छुटेका इच्छुक विद्यार्थीहरुलाई सूचना प्रकाशित भएको मितिले ७ दिनभित्र परीक्षा नियन्त्रण कार्यालयमा गई फारम भर्न सकिने जनाएको छ ।
