काठमाडौँ /१० असोज –आज बडादशैँको सुरुको दिन साथै घटस्थापना । समस्त हिन्दुहरुले आज आफ्नो घरको पूजाकोठामा घटस्थापना गर्दैछन । त्यसैगरी आजको दिनदेखि नवरात्रि सुरु हुन्छ ।
पूजाकोठाको भुइँलाई गाईको गोबरले लिपेर चोखो पारी चोखो बालुवा वा माटोमाथि दियो कलश गणेश स्थापना गरी टपरी भिँगुट माटो वा तामाको भाँडामा गोबर टाँसेर जौँ र गहुँ मिसाएर घटस्थापना गर्ने प्रचलन छ । यस दिन घट कलशको स्थापना गरी देवी/देवतालाई आह्वान गरिन्छ ।
घटस्थापनाको साइत आज बिहान १०ः२३ बजे रहेको छ । आजका दिनदेखि नौ दिनसम्म विभिन्न शक्तिपीठमा पूजाअर्चना गर्दै नवरात्र मेला आरम्भ हन्छ ।



