सामुदायिक विद्यालयमा प्राविधिक शिक्षा सञ्चालनका लागि आवेदन खुला, सूचनासहित

काठमाडौं/१४ फागुन– प्राविधिक शिक्षा तथा व्यवसायिक तालिम परिषद्, सामुदायिक विद्यालयमा प्राविधिक शिक्षा महाशाखा सानोठिमीले विद्यालयमा प्राविधिक शिक्षा सञ्चालनका लागि आवेदन खुलाएको छ ।
सीटीईभीटीले शैक्षिक सत्र ०७७/०८८ देखि प्राविधिक एसएलसी तहको स्वास्थ्य विषय बाहेक अन्य विषयहरु (बाली विज्ञान, पशु स्वास्थ्य, पशुु विज्ञान, सिभिल इन्जिनियरिङ्ग, इलेक्ट्रिकल इन्जिनियरिङ्ग, आटोमोबाइल इन्जिनियरिङ्ग, कुुलिनरी आर्ट र अन्य) कार्यक्रम सञ्चालन गर्नका लागि आवेदन दिन आग्रह गरेको छ । यस्तै, परिषद्बाट पूर्व स्वीकृति लिई डिप्लोमा तहको कार्यक्रम सञ्चालन गर्दै आएका सामुदायिक विद्यालयहरुले सोही विषयको प्राविधिक एसएलसी कार्यक्रम गर्न इच्छुक भए पुन : आवेदन दिन सक्ने सीटीईभीटीले जनाएको छ । सीटीईभीटीका अनुसार प्राविधिक एसएलसी कार्यक्रम सञ्चालनका लागि विद्यालयहरुले फागुन ३० गतेसम्म आवेदन पेश गर्न सक्नेछन् ।