पानको तेस्रो राष्ट्रिय प्रधानाध्यापक सम्मेलन भोलिदेखि जनकपुरमा हुँदै

काठमाडौं/३ मंसिर – प्रिन्सिपल्स एसोसिएसन अफ नेपाल (पान) को आयोजनामा तेस्रो राष्ट्रिय प्रधानाध्यापक सम्मेलन–२०८३ भोलिदेखि जनकपुरमा सुरु हुँदैछ । ‘सामुदायिक विद्यालयलाई सबै मिलेर उत्कृष्ट बनाऔँ’ भन्ने मूल उद्देश्यका साथ मंसिर ४ देखि ६ गतेसम्म तीनदिने सम्मेलन आयोजना हुन लागेको हो ।


सम्मेलनमा भुटानका पूर्व शिक्षामन्त्री, साइप्रस र जर्मनीका शिक्षा विज्ञ, शिक्षा मन्त्रालयका प्रतिनिधि, विभिन्न विद्यालयका प्रधानाध्यापक, शिक्षाविद् तथा स्थानीय सरकारका प्रतिनिधिलगायतको सहभागिता रहने आयोजकले जनाएको छ ।


सम्मेलनलाई शिक्षाका विषयमा छलफल र ज्ञान आदानप्रदान गर्ने साझा थलोका रूपमा मात्र नभई शिक्षा क्षेत्रको कुम्भमेलाका रूपमा लिइएको पानका अध्यक्ष सुदाम गौतमले बताए । नेपालको विद्यालय शिक्षाको वास्तविक अवस्था, विश्व परिवेशमा नेपालको शिक्षा प्रणालीलाई कसरी अगाडि बढाउने तथा सामुदायिक विद्यालयको गुणस्तर सुधारका विषयमा बृहत् छलफल हुने उनले जानकारी दिए ।


सम्मेलनको पहिलो दिन उद्घाटनसत्रसँगै दुईवटा विषयगत सत्र सञ्चालन हुनेछन् । सोही दिन विभिन्न विधामा छनोट भएका उत्कृष्ट विद्यालय, प्रधानाध्यापक, स्थानीय तह, शिक्षा क्षेत्रका व्यक्तित्व तथा सञ्चारकर्मीलाई पुरस्कार तथा सम्मान प्रदान गरिने कार्यक्रम रहेको छ ।


दोस्रो दिन मुख्य वक्ताको प्रस्तुति (की–नोट सेसन), प्यानल छलफल तथा शिक्षा विधेयकका सवालमा सांसदहरूसँग संवाद गरिनेछ ।


त्यसैगरी, तेस्रो तथा अन्तिम दिन सम्मेलनमा उठेका विषय र सुझाव समेट्दै देशको विद्यालय शिक्षा रूपान्तरणका लागि ‘जनकपुर घोषणा’ जारी गरी सम्मेलन समापन गरिने आयोजकले जनाएको पानको तेस्रो राष्ट्रिय प्रधानाध्यापक सम्मेलन भोलिदेखि जनकपुरमा हुँदै

facebook sharing buttonShare

twitter sharing buttonPost

gmail sharing buttonEmail

whatsapp sharing buttonShare

messenger sharing button

काठमाडौं/३ मंसिर – प्रिन्सिपल्स एसोसिएसन अफ नेपाल (पान) को आयोजनामा तेस्रो राष्ट्रिय प्रधानाध्यापक सम्मेलन–२०८३ भोलिदेखि जनकपुरमा सुरु हुँदैछ । ‘सामुदायिक विद्यालयलाई सबै मिलेर उत्कृष्ट बनाऔँ’ भन्ने मूल उद्देश्यका साथ मंसिर ४ देखि ६ गतेसम्म तीनदिने सम्मेलन आयोजना हुन लागेको हो ।


सम्मेलनमा भुटानका पूर्व शिक्षामन्त्री, साइप्रस र जर्मनीका शिक्षा विज्ञ, शिक्षा मन्त्रालयका प्रतिनिधि, विभिन्न विद्यालयका प्रधानाध्यापक, शिक्षाविद् तथा स्थानीय सरकारका प्रतिनिधिलगायतको सहभागिता रहने आयोजकले जनाएको छ ।


सम्मेलनलाई शिक्षाका विषयमा छलफल र ज्ञान आदानप्रदान गर्ने साझा थलोका रूपमा मात्र नभई शिक्षा क्षेत्रको कुम्भमेलाका रूपमा लिइएको पानका अध्यक्ष सुदाम गौतमले बताए । नेपालको विद्यालय शिक्षाको वास्तविक अवस्था, विश्व परिवेशमा नेपालको शिक्षा प्रणालीलाई कसरी अगाडि बढाउने तथा सामुदायिक विद्यालयको गुणस्तर सुधारका विषयमा बृहत् छलफल हुने उनले जानकारी दिए ।


सम्मेलनको पहिलो दिन उद्घाटनसत्रसँगै दुईवटा विषयगत सत्र सञ्चालन हुनेछन् । सोही दिन विभिन्न विधामा छनोट भएका उत्कृष्ट विद्यालय, प्रधानाध्यापक, स्थानीय तह, शिक्षा क्षेत्रका व्यक्तित्व तथा सञ्चारकर्मीलाई पुरस्कार तथा सम्मान प्रदान गरिने कार्यक्रम रहेको छ ।


दोस्रो दिन मुख्य वक्ताको प्रस्तुति (की–नोट सेसन), प्यानल छलफल तथा शिक्षा विधेयकका सवालमा सांसदहरूसँग संवाद गरिनेछ ।


त्यसैगरी, तेस्रो तथा अन्तिम दिन सम्मेलनमा उठेका विषय र सुझाव समेट्दै देशको विद्यालय शिक्षा रूपान्तरणका लागि ‘जनकपुर घोषणा’ जारी गरी सम्मेलन समापन गरिने आयोजकले जनाएको छ ।