काठमाडौं/२८ जेठ-शिक्षा, विज्ञान तथा प्रविधि मन्त्री गिरिराजमणि पोखरेलले कोरोना भाइरसका कारण स्थगित भएको एसईई, कक्षा ११ र १२ तथा विभिन्न विश्वविद्यालयको परीक्षा उपुक्त समयमा सुरु गरिने बताए ।
सांसदहरूले बजेटमाथि उठाएको प्रश्नको जवाफ दिँदै मंगलबार प्रतिनिधि संसद बैठकमा मन्त्री पोखरेलले भने सेमेस्टर सकिएको छ अर्को सेमेस्टरको पढाइ सुरु गरिनेछ ।
उनले सम्भव भएसम्म असार १ गतेदेखि होम स्कुलिङ सुरु गरिने समेत जानकारी दिए । उनका अनुसार विद्यार्थीलाई घरबाटै शिक्षण सिकाइ क्रियाकलापमा निरन्तरता दिइने तयारी अन्तिम चरणमा पुगेको छ ।
परिवेश अनुकूल हुने गरि सिकाइ निरन्तरताको तयारी गरेको बताउँदै उनले भने, “रेडियो, अनलाइन, टिभी जे बाट सम्भव हुन्छ सिकाइलाई निरन्तरता दिइन्छ । “
