अस्ट्रेलियाको नयाँ नीतिका कारण धेरै सङ्ख्यामा विद्यार्थीको भिसा रद्द हुने संकेत

काठमाडौँ /७ फागुन – अस्ट्रेलियाको माइग्रेसन सम्बन्धी नयाँ नीतिका कारण विश्वविद्यालय तथा कलेजहरूमा धेरै सङ्ख्यामा अन्तर्राष्ट्रिय विद्यार्थीको भिसा रद्द हुने संकेत देखिएको छ । अल्बानीज सरकारले लागु गरेको नयाँ आप्रवासन नीतिका कारण अस्ट्रेलियाका विश्वविद्यालयहरूले अन्तर्राष्ट्रिय विद्यार्थी भिसा रद्द गर्ने लहरको सामना गरिरहेका कारणले यो संकेत देखिएको हो ।


नयाँ नीति अनुसार सन् २०२५ को जुनसम्ममा माइग्रेसन सङ्ख्यालाई आधाले घटाएर वार्षिक २ लाख ५० हजार सम्म पु¥याउने लक्ष्य राखेसँगै उच्च शिक्षा अध्ययनका लागि अस्ट्रेलिया जान खोजेका अन्तर्राष्ट्रिय विद्यार्थीहरूलाई समस्या हुने देखिएको छ । साथै आप्रवासन नीतिमा उच्च अङ्ग्रेजी भाषा आवश्यकता, “वास्तविक विद्यार्थी परीक्षण“ र भिसा हपिङमा कडा नियमहरू समावेश गरिएको छ ।


पछिल्लो समय पश्चिमी सिड्नी विश्वविद्यालय, म्याक्वेरी विश्वविद्यालय, र वोलोङगोङ लगायतका विश्वविद्यालयहरूले भर्ना रद्द गर्न वा विद्यार्थीहरूलाई स्थगित गर्न सल्लाह दिन थालेका छन् । सिड्नी विश्वविद्यालयले प्रभावित विद्यार्थीहरूलाई उनीहरूको भिसा सेमेस्टरको दोस्रो हप्तामा स्वीकृत नभएको खण्डमा नामाङ्कन स्थगित गर्ने जस्ता विकल्पहरू छलफल गर्न आग्रह गरिरहेको छ ।


नयाँ नियमहरूको पालना गर्न असफल हुँदा विश्वविद्यालयहरूको लागि उच्च जोखिम मूल्याङ्कन हुन सक्ने र भिसा प्रक्रिया समय सुस्त हुन सक्ने उनहरूको भनाई छ । त्यसैगरी अस्थायी स्नातक भिसाका लागि उमेर क्याप घटाउने र विशेष गरी स्नातकोत्तर अनुसन्धान कार्यक्रमहरूलाई असर गर्ने देखिएपछि यसले विश्वविद्यालयहरूमा पर्ने प्रभाव बारे चिन्तित छन् ।


अस्ट्रेलियाको आठ समूह ९ग्रुप अफ एट० समूह र अस्ट्रेलियान स्नातकोत्तर संघहरूको परिषद्ले अनुसन्धान गुणस्तर र अन्तर्राष्ट्रिय विद्यार्थी आकर्षणमा सम्भावित गिरावटलाई उद्धृत गर्दै सरकारलाई पुनर्विचार गर्न आग्रह गरिरहेको छ । यद्यपि, सरकारले विद्यार्थी भिसा आवेदनहरूमा कोभिड भन्दा पहिलाकै मापदण्डहरूमा फिर्ता ल्याउनु पर्ने विषयमा जोड दिँदै आफ्नो अडान कायम राखेको छ ।

Leave a Reply

Your email address will not be published. Required fields are marked *